«ТҮЙТЕ» КАНАЛЫНДА МЕХАНИКАЛЫҚ ТАЗАЛАУ ЖҰМЫСТАРЫ БАСТАЛДЫ
«Түйте» каналында механикалық тазалау жұмыстары басталды. Облыс әкімі Ербол Қарашөкеев «Ұлы дала» мөлтек ауданының тыныс-тіршілігімен танысуға барған кезде канал маңайын абаттандыруды тапсырған болатын. Қазіргі таңда ұзындығы 1 шақырым 700 метрді құрайтын канал бойында бүгінгі күні механикалық тазалау жұмыстары басталды.
Қызу жұмысқа «Жасыл ел-Тараз»мекемесінің 10-ға жуық жұмысшысы мен техникасы тартылған. Канал толығымен күл-қоқыстан тазартылып біткен соң маңайына қара топырақ төселеді. 600-ге жуық тал-дарақ отырғызылады. Ал, келесі жылы канал бойына жарық шамдар мен орындықтар орнатылып, абаттандыру жұмыстарын жүргізу жоспарланып отыр. Еске сала кетсек, қазір каналдың оң жақ бетіндегі «Бурыл» тұрғын алқабында жол жөндеу жұмыстары қолға алынған еді. Бүгінге күніТұманбай Молдағалиев көшесіне асфальт төсеу жұмыстары аяқталған. Енді арнайы жаяу жүргіншілер жолы да салынбақ.
