ТЫҢ ТАКТИКА, ЖАҢА БЕТБҰРЫС

Тың тактика, жаңа бетбұрыс. Қарулы күштер қатарындағы жауынгерлер үшін аса маңызды. сол себепті биылда Гвардейск гарнизонындағы «Оңтүстік» өңірлік қолбасшылығының «Мәтібұлақ» полигонында, «Көкжал-2023» тактикалық оқу-жаттығуы өтті. Мыңнан аса жауынгерді жинаған оқу жаттығу бір аптаға созылды.  роталық тактикалық топтар ішінен мобильді топтар құрылып, бөлімшелер жауынгерлік іс-қимыл жүргізудің жаңа тактикалық әдіс-тәсілдерін пысықтады. Артиллериялық және әскер авиациясы бөлімшелерін жауынгерлік жағдайда қолдануға баса назар аударылды. Бұл зерттеу жаттығуына «Оңтүстік» өңірлік қолбасшылығы әскерлерінің қолбасшысы генерал-майор Мереке Көшекбаев басшылық етті.

Артиллерияны оқу-жаттығуда қолдану ерекшелігі – атыс құралдарын барынша шоғырландырып, классикалық әдістер мен қарсыласты жеңу әдістерімен ұтымды қолдануында болды. Осылайша, бөлімше командирлерінің өз бетінше шешім қабылдауына мүмкіндік берілді.Сондай-ақ, танкке қарсы артиллерия құралдарымен алыс қашықтықтағы қарсыластың броньды нысандарын құртудың жаңа тәсілдері де сыналды.

Алдағы уақытта бұл іс-қимылдар жазғы оқу кезеңіндегі жауынгерлік дайындық барысында пысықталмақ. Оқу-жаттығу соңында қорғаныс ведомствосының басшысы генерал-полковник Руслан Жақсылықов жеке құрамды оқу-жаттығудың жақсы аяқталуымен құттықтап, ерекше көзге түскен әскери қызметшілерге естелік сыйлықтар табыс етті.