СТУДЕНТТЕР МАХМЕТҒАЛИ САРЫБЕКОВПЕН КЕЗДЕСТІ

Мереке қарсаңында студенттер ҚР-ның еңбек сіңірген қайраткері, педагогика ғылымдарының докторы Махметғали Сарыбековпен кездесті. «Ұстаз- ұлы тұлға» атты  тақырыпта еркін форматта өткен басқосуда жастар сұрақтарын қоя алды, – деп хабарлайды «Taraz24newskz» ақпарат агенттігі.

“Ұстаз- ұлытұлға” тақырыбында жастар ҚР-ның еңбек сіңірген қайраткері, педагогика ғылымдарының докторы Махметғали Сарыбековпен кездесті. Өз кезегінде Махметғали Нұрғалиұлы жас буын өкілдеріне ұстадықтың қыр сырымен қоғамдағы ерекше орнын түсіндірді.

• Әр адамға мектеп ол енді өмір жолдың қақпасы дегендей,ол қақпадан бәріміз өттік,бірақ сол өмір қақпасынан өтіп жатқанда сол жасөспірімді кім жетелейді,кім ақыл кеңес береді,кім жол көрсетед,кім тәлім тәрбие береді.Ол адамдарды біз әрине педагог,ұстаз деп атаймыз. //Бүгінгі Қазақстандық қоғамда ұстаздың алатын орны,ұстаздың статусы,ұстаздың мәртебесі ұстаздың мәртебесін жоғарлатуға мемлекет тарапынан жобалар іс-шаралар іске асырылып жатыр, дейді –  ҚР еңбек сіңірген қайраткері, педагогика ғылымдарының докторы Махметғали Сарыбеков

Іс-шараның мақсаты ұлағатты ұстаздың өнегелі өмірін жастарға таныстыру және өрнеге алуға тәрбиелеу болып табылады. Жиынға Қазақстан студенттерінің Альянсы ұйымының студенттері мен жастары қатысты. Еркін форматта өткен басқосуда студенттерде сұрақтарын қойып, қызықты мағлұматтар ала алды.

• Бұл кездесуде біз көптеген өнегелі яғни оның өмір баяны мен еңбектерімен барлық жетістіктерімен таныстық және бұл кеш бізге өте біздің қорымызға жақсы қор берген болатын,яғни алдағы уақытта оны өнеге тұтып,сол еңбектерімен жеке танысып,соның еңбектерімен жеке танысып алға қарай сол кісіні өзімізге үлгі тұтатындай кеш болды, – дейді Студент Маржан Жақсылық

 Айта кетейік, Іс шара ұстаздар мерекесіне орай ұйымдастырылып отыр. Жиын барысында Қазақстан студенттер Альянсы Жамбыл облыстық филиалының төрағасы Дархан Байпақ жастар үшін жасап жатқан қажырлы еңбегі мен тәлімгерлігі үшін Махметғали Нұрғалиұлына ерекше алғысын білдірді. Ол Махметғали Сарыбековтің жастарға үлгі боларлық өмірлік жолын атап өтіп, оның тек ұстаздық емес, басшылық қызметте де өз үлесін қосып, жастардың жан-жақты дамуына жағдай жасап жатқанын ерекше атап айтты. Осы орайда алғыс хат пен сый-сияпат табыстап, оның жас буынға бағыттаған күш-жігеріне ризашылықтарын білдірді. Кездесу соңында қатысушылар естелік суретке түсіп, әсерлі сәттерді есте қалдырды.