Б.ИМАШҰЛЫНА МЕМОРИАЛДЫҚ ТАҚТА ОРНАТЫЛДЫ
Таразда Қазақстан Республикасының құрылыс саласының ардагері, Жамбыл облысының құрметті азаматы Берікшал Имашұлына арналған мемориалдық тақта ашылды.
Тұлғаны еске алуға келген зиялы қауым Берікшал Имашұлы су шаруашылығы саласының білікті маманы, білгір басшысы болған еді дейді. Құрылыс саласында да жемісті еңбек еткен азамат 2016 жылы 76 жасында өмірден озған.
– Шу ауданындағы, Меркі, Луговой, Жамбыл ауданы, Байзақ ауданы, Жуалы сияқты аудандардың су шаруашылығын басқарып отырды. Үлкен мелиорацияны басқарып отырды. Мен ол кісінің 7 жылдай орынбасары болып жұмыс істедім. Бұл кісінің үлкен еңбегі азамат ретінде, маман ретінде елдің қамын ойлаған мінезі биязы, кең адам еді,-дейді Медеу Жетпісбай, зейнеткер
