МЕМЛЕКЕТ БАСШЫСЫ ИРАК ПРЕЗИДЕНТІН ҚҰТТЫҚТАДЫ
Мемлекет басшысы Қасым-Жомарт Тоқаев Низар Амидиді Ирак Республикасының Президенті болып сайлануымен құттықтап, арнайы жеделхат жолдады, — деп хабарлайды «Taraz24news.kz» ақпараттық порталы.
Құттықтауында Президент Ирак халқының болашағын нығайтуға бағытталған жаңа бастамаларға сәттілік тілеп, елдің дамуына серпін береріне сенім білдірді.
Сондай-ақ Қасым-Жомарт Тоқаев Қазақстан мен Ирак арасындағы дәстүрлі достық пен өзара қолдауға негізделген ынтымақтастықтың алдағы уақытта да нығая түсетініне назар аударды.
