2025 ЖЫЛҒЫ ҚАҢТАР–СӘУІР АЙЛАРЫНДАҒЫ ӘЛЕУМЕТТІК-ЭКОНОМИКАЛЫҚ ДАМУ МӘСЕЛЕЛЕРІ

Бюроның болжамды деректеріне сәйкес, 2025 жылғы қаңтар–сәуір айларындағы елдің әлеуметтік-экономикалық дамуының алдын ала қорытындылары ұсынылды.

Ағымдағы жылдың төрт айының қорытындысы бойынша ЖІӨ өсімі 6%-ды құрады. Экономиканың негізгі салаларында даму қарқынының жеделдеуі байқалады: көлік саласында – 22,4%, саудада – 7%. Сондай-ақ ауыл шаруашылығы (3,9%) мен байланыс (2,6%) салаларында да өсім тіркелді.

Көлік саласындағы өсім теміржол және құбыр көлігімен жүк тасымалдау қызметтері көлемінің артуы есебінен қамтамасыз етілді. Бұл бағыттардың саладағы үлесі тиісінше 20,5% және 19,6%-ды құрайды. Жоғары өсім Түркістан облысында (21,8%), Жамбыл облысында (11,2%) және Абай облысында (14,9%) байқалды.

Құрылыс саласында нақты көлем индексі 16,2%-ды құрады. Құрылыс маусымын ескере отырып, жұмыстарды орындау қарқынын арттыру және жобалардың қымбаттауына жол бермеу мақсатында жергілікті жерлерде үйлестіру жұмыстарын күшейту тапсырылды.

 Сауда саласы тұрақты өсімді көрсетті — 7% (бірінші тоқсандағы 6,3%-бен салыстырғанда). Көтерме сауда көрсеткіші 7,4%-ға, бөлшек сауда 6,1%-ға артты. Бірқатар өңірлер жоғары динамиканы көрсетті:

• Түркістан облысы – 60,4% (көкөніс, жеміс-жидек, фармацевтикалық өнімдерді сататын кәсіпорындар есебінен);
• Ақмола облысы – 44% (астық, тұқым, мал азығын сататын кәсіпорындар есебінен);
• Шымкент қаласы – 19,8% (дизель отыны, фармацевтикалық өнімдер, қара және түсті металл қалдықтарын сататын кәсіпорындар есебінен).

 Өнеркәсіп өндірісі индексі 6,4%-ды құрады. Өсім тау-кен өндіру секторында – 7,1%, оның ішінде көмір өндіру көлемінің 11,2%-ға артуымен байланысты. Өңдеуші өнеркәсіпте көрсеткіш 7,2%-ды құрады, оның ішінде:

• Азық-түлік өнімдері – 12%
• Темекі өнімдері – 26,3%
• Химиялық өнімдер – 11,2%
• Машина жасау – 11,2%

 Ауыл шаруашылығы оң динамиканы көрсетуде. Қаңтар–сәуір айларындағы жалпы өнім индексі 3,9%-ды құрады.

Үкімет елдің тұрақты әлеуметтік-экономикалық дамуын қамтамасыз ету мақсатында Мемлекет басшысының тапсырмаларының сапалы орындалуы бақылауда.