ҚАЗАҚСТАНДЫҚТАР ЖАСАНДЫ ИНТЕЛЛЕКТІҢ КӨМЕГІМЕН ЗАҢГЕРЛІК КЕҢЕС АЛА АЛАДЫ
Енді қазақстандықтар жасанды интеллекттің көмегімен заңгерлік кеңес ала алады. Әділет министрлігі азаматтарға құқықтық кеңес беретін жасанды интеллект элементтері бар чат-ботты әзірледі. Тәжірибе жүзінде тестілеуден өткізіліп жатқан жаңашылдық туралы облыстық әділет департаментінің басшысы брифингте баяндады,-деп хабарлайды «Taraz24news.kz»ақпараттық агентігі.
Жамбыл облысындаа адам өмірін цифрлық дәуірде жеңілдету, уақыт пен ақшаны үнемдеу мақсатында көптеген жобалар қолға алынған. Мәселен, биыл 300 мыңнан астам азамат құқықтық сауаттылығын арттырса, ЖИ – «Әйтеке»-нің көмегімен заңгерлік кеңестер алатын болады. Сондай-ақ өңірде Робот-сот орындаушысының құзыреті де кеңеюде. Цифрлық сот орындаушысы іске қосылған сәттен бастап, 27 мыңнан астам атқарушылық іс қозғаған. Осылайша азаматтар 28 млн теңгені үнемдеген екен.
Тағы бір маңызды жетістік – «Сот орындаушысы роботын» енгізу болып табылады. Мәселен, 20 АЕК-ке дейінгі әкімшілік айыппұлдар уақытылы төленбеген жағдайда уәкілетті орган мәліметтерді жеке сот орындаушының қатысуынсыз іс жүргізуді қозғайтын Робот сот орындаушысына береді. Іс қозғалғаннан кейін азаматтар іс туралы егжей-тегжейлі ақпараты бар EGov Mobile-да 1414-тен SMS хабарлама және push-хабарлама алады, сол арқылы азаматтар айыппұл сомасының 25% қосымша төлеуден және сот орындаушысына барудан босатылады, өйткені барлық әрекеттер онлайн режимінде жүргізіледі,-деді Жамбыл облыстық әділет департаментінің басшысы Нұрғали Андасов.
ҚР Әділет вице-министрінің сөзінше, әзірленіп жатқан жобалардың басты мақсаты – халықтың құқықтық сауаттылығын арттыру. Мысалы, жақында Қазақстанның ЖОО-мен жұмыс тобы құрылған. Онда университет студенттері азаматтарға ЖИ көмегімен кеңес алуға көмектесетін жоба әзірлемек.
Жасанды Интелект – «Әйтеке» көмекшісі- қарапайым заңгерлік кеңестер беруге және құжаттарды жинауға көмектесуге арналған чат-бот ашылады. Робот-сот орындаушысының құзыреті кеңейіп, ол айналысатын берешек мөлшерінің шегі 20-дан 40 АЕК-ке дейінартады, бұл азаматтардың пайдасына жылына 12,2 млрд теңгеге дейін үнемдеуге мүмкіндік береді,-деді Жамбыл блыстық әділет департаментінің басшысы Нұрғали Андасов.
Айта кетейік, жаңа бастама азаматтарға 24/7 режимде өздерін қызықтыратын құқықтық сұрақтарға жауап алуға мүмкіндік береді. Қызмет көрсетуді жеңілдету жұмысының нәтижесінде, қазақстандықтардың уақыты мен қаражаты үнемделіп, әкімшілік кедергілер жойылады.
