«AGROSKILLS-2024» ХАЛЫҚАРАЛЫҚ КӘСІБИ ШЕБЕРЛІК БАЙҚАУЫ 

 №9 Меркі колледжінде студенттер арасында “AgroSkills-2024” Халықаралық кәсіби шеберлік байқауы өтті. Онда Батыс Қазақстан, Жамбыл облысы, Жетісу және Түркістан облысынан, сондай-ақ көршілес ел Қырғыз  мен Өзбекстаннан келген қатысушылар 5 модуль бойынша бақтарын сынады, – деп хабарлайды «Taraz24newskz» ақпарат агенттігі.

 «Ауыл шаруашылығын механикаландыру» мамандығының студенттері «Ауыл шаруашылығы өндірісінің тракторист – машинисті» біліктілігі бойынша сынға түсті. Білімгерлер астық жинайтын комбайнымен, аспалы агрегатымен, соқамен, трактормен жұмыс істеді

• Мен бұл жарысқа екінші рет келіп отырмын. Былтыр келіп, 3-орынды алдым. Биылда бағымды сынап қатысып отырмын. Бұл жақта барлығы жаңа техникалар солармен танысып көріп жатырмыз. Ұнады жақсы істелінген. Жаңа техникалар көп екен. Ауыл шаруашылық жұмыстарына лайық, дейді – №28 Қырғыз-Ресей кәсіптік лицейінің білімгері Диас Самудинов 

Байқауға қатысушылардың тапсырмаларды орындауы есепке алынып,  нәтижесінде жеңімпаздар анықталды. 1 орынды Меркі колледжінің студенті Нұрболат Саматұлы еншілесе, 2 орынды Батыс Қазақстан мен Түркістан облысынан келген қатысушылар, ал 3 орынды Өзбекстан Республикасынан, Жетісу облысы мен Түркістан облысынан келген жас мамандар иеленді.

Төмендегі 5 модуль бойынша сыннан өтті.

 1 Модуль «А» «John Deеre – 550 астық жинайтын комбайнымен жұмыс» комбайнның жаткасын тасымалдау қалпынан, жұмыс қалпына қою.

2 Модуль «B» Табиғи және екпе шөптерді баулауға арналған «Sipma» прессін жұмысқа дайындау (пресс-подборщик). Байлау аппаратына жіпті сабақтау, табиғи шөпті престеу.

3 Модуль «С» МТЗ – 82 тракторына 3 корпусты соқан тіркеп, белгіленген тереңдік деңгейіне қойып, жұмысқа дайындау.

4 Модуль «D» Минералдық тыңайтқыш себуге арналған MOSH 1292 аспалы агрегатын, МТЗ – 1221 тракторына тіркеп, жұмысқа дайындау.

5 Модуль«E» МТЗ 1221 тракторына агрегатталған ПОН 4 – 40 соқамен жер айдау.

• Халық аралық деңгейде. Өтіп жатқар жарысты қарасаңыздар Өзбекстан, Қырғызстаннан келген қатысушыларымыз да өз ісінде осал емес екендігін көрсетіп жатыр. Дегенмен біздің отындық мамандарымыз да ешкімнен кеш қалмайтындығын. Өз ісінің мамандары екенін дәлелдеу үстінде, дейді- ЖО Білім басқармасының басшысы Рауан Садырқұлов

 Биыл байқау облыста екінші рет ұйымдастырылды. Іс-шара ауыл шаруашылығы мамандықтарын дәріптеуге, студенттердің дайындық деңгейін бағалауға бағытталған.

Жеңімпаздар дипломдармен және медальдармен, сондай-ақ бағалы сыйлықтармен марапатталды. Колледж студенттерінің орындауында әнұран шырқалып, ту көтерілді.