ҰҚК 10 ӨҢІРДЕ ҰЙЫМДАСҚАН ҚЫЛМЫСҚА ҚАРСЫ АРНАЙЫ ОПЕРАЦИЯ ЖҮРГІЗДІ
Ұлттық қауіпсіздік комитеті Ішкі істер министрлігімен бірлесіп, прокуратураның үйлестіруімен еліміздің 10 өңірінде ұйымдасқан қылмысқа қарсы арнайы операция жүргізді, – деп хабарлайды «Taraz24news.kz» ақпараттық агенттігі ҰҚК баспасөз қызметіне сілтеме жасап.
Арнайы операция барысында ұйымдасқан қылмыстық топ мүшелерінің, шекара маңындағы және қылмыстық-атқару жүйесі мекемелеріндегі қылмыстық схемалардың заңсыз әрекетінің жолы кесілді.
Ауыр және аса ауыр қылмыс жасады деген күдікпен 29 адам ұсталып, оның 9-ы уақытша ұстау изоляторына қамалды.
Операция кезінде заңсыз айналымнан 25 қару, 2 граната және 236 оқ-дәрі тәркіленді.
Аталған фактілер бойынша сотқа дейінгі тергеп-тексеру жүргізіліп жатыр. Қылмыстық-процестік кодекстің 201-бабының 1-бөлігіне сәйкес өзге ақпарат жарияланбайды.
