ҚАСЫМ-ЖОМАРТ ТОҚАЕВ ПӘКІСТАННЫҢ ЕҢ ЖОҒАРЫ МЕМЛЕКЕТТІК НАГРАДАСЫМЕН МАРАПАТТАЛДЫ
Исламабадта өткен ресми салтанатта Пәкістан Президенті Асиф Али Зардари мен Премьер-министрі Шахбаз Шариф Қазақстан Республикасының Президенті Қасым-Жомарт Тоқаевқа Пәкістанның ең жоғары мемлекеттік наградасы — Nishan-e-Pakistan орденін табыстады, – деп хабарлайды «Taraz24news.kz» ақпараттық агенттігі, akorda.kz сайтына сілтеме жасап.
Nishan-e-Pakistan ордені Пәкістанның дамуына елеулі үлес қосқан азаматтарға, сондай-ақ шетел мемлекеттерінің саяси және қоғам қайраткерлеріне беріледі.
Салтанатты іс-шараға Пәкістан Үкіметінің мүшелері, Парламент депутаттары, Қарулы күштердің жоғары басшылық өкілдері және дипломатиялық корпус қатысты.
