ҚАТТЫ ТҰРМЫСТЫҚ ҚАЛДЫҚТАР БОЙЫНША КЕҢЕС ОТЫРЫСЫ ӨТТІ
Облыстық әкімдікте аймақ басшысы Ербол Қарашөкеевтің төрағалығымен қатты тұрмыстық қалдықтарды пайдалану мәселелері бойынша кеңес отырысы өтті.
Қазіргі таңда облыста 3,2 миллион тонна тұмыстық қалдық бар. Өткен жылы 56,5 мың тонна қалдық жиналып, оның 10,7 мың тоннасы сұрыпталып, сол арқылы қайта өңдеу үлесі 19 пайызды құраған. Бізде барлығы 159 полигон бар. Жамбыл облысы әкімдігінің табиғи ресурстар және табиғатты пайдалануды реттеу басқармасы басшысының айтуынша, қоқыстарды бөлек жинау жүйесі дамымағандықтан, қоқыс ретсіз жиналуда. Сондай-ақ қалдықтардың түрі бойынша сұрыптау жүргізілмейді, полигондарда жиналған қалдықтардың көлемі есепке алынбайды.
