ЗЕЙНЕТАҚЫ МЕН ЖӘРДЕМАҚЫ КӨЛЕМІ АРТТЫ
Елімізде зейнетақы мен жәрдемақы мөлшері біршама өсті. Енді ең төменгі зейнетақы көлемі 57 853 теңгені құрайды. Ал жалпы әлеуметтік төлемдер 7,5 пайызға көтерілген. 1 қаңтардан бастап тағы қандай өзгерістер орын алды? Сюжеттен көріңіз.
Жамбыл облысында 270 мыңға жуық зейнеткер бар. Олардың 127 960-ы ең төменгі мөлшердегі қаржыны алушылар. Енді олар биылдан бастап 57 853 теңге алады. Ал осы санаттағы бірақ жұмысы өтілі жоқ азаматтар үшін базалық зейнетақы көлемі – 28215 теңге болмақ.
– Барлық Қазақстандық зейнетақы алатын қазақстандықтар үшін 9 пайзға ұлғайып отыр. Одан басқа мүгедектігіне байланысты, балаларға арналған жәрдемақылар бар. Олардың барлығы орташа есеппен айлық көрсеткішпен ең төменгі күн көріс деңгейіне байланысты орташа есеппен 7,5 пайызға ұлғайып отыр,-дейді Аслан Оразбеков, еңбек және әлеуметтік қорғау комитеті ЖОБ департаментінің басшысы
Көпбалалалы аналарға ай сайын төленетін жәрдемақы көлемі де көтеріліп отыр. Мәселен, 4 баласы бар отбасыларға 59 183тенге шотына түсетін болса, 10 баласы барларға 147 680теңге төленеді.
– Бала босануына байланысты күтіміне жағдайына және көп балалыларға төленетін төлемдердің барлығы 7,5 пайызға артып отыр. Бала күтіміне байланысты жәрдемақының бірінші балаға 1 айда төленетін 19 мыңнан 21 266 көбейді,-дейді Аслан Оразбеков, еңбек және әлеуметтік қорғау комитетінің ЖОБ департаментінің басшысы
Мамандардың сөзінше баланың тууына байланысты берілетін бір реттік жөргекпұлдың да көлемі ұлғайған. Айталық, 1-ші, 2-ші және 3ші нәрестенің тууына енді 140 296 теңге түседі. Ал 4 немесе одан кейінгі сәбилерге 232 596 тенге берілмек. Айта кету керек, биыл күнкөріс деңгейі де 43 407 теңгеге көтірілді. Бұдан бөлек, ең төменгі айлық көрсеткіш 70 мыңнан 85 мыңға артқан.
