Елімізде күн қайта ысиды
Қазгидромет Қазақстан бойынша 2021 жылдың 17-19 тамызында болатын ауа райы болжамын жариялады. Кең көлемді антициклон Қазақстан аумағына өз ықпалын жалғастырады. Тек солтүстікте, шығыста және оңтүстік-шығыста фронтальдық бөліктердің өтуімен қысқа мерзімді жаңбыр, найзағай, бұршақ және екпінді жел болжанады. Күн жылы болады деп күтілуде, температура күндіз солтүстікте 25…32 жылыға дейін, оңтүстік пен оңтүстік-шығыста 25…37 жылыға дейін, орталық пен шығыста 20…31 жылыға дейін көтеріледі. Иран аудандарынан жылы және құрғақ ауа массалары өз келуін жалғастырады: Қазақстанның батысында жауын-шашынсыз ауа райы сақталады. Температураның негізгі аясы 32…43 жылы болады.
